جوزه وقرش حشيش

جوزه وقرش حشيش

واتنين جنيه بقشيش

لصاحب القهوه

متشعلل ياعم ورص

حجرين وقرش ونص

خلينا نتهوى

فيه مخبرين قاعدين

محناش كمان ناقصين

تيجى كابسه على سهوى

روق كده ومخمخ

واكتم نفس وانفخ

واعدلنا العمه

خلى الجوزه تكركر

من ايد لايد تكتر

كتر من المساطيل

صوتها بيشجينى

طول عمرى وسنينى

اسمعها ف المواويل

زود كمان حجرين

فيه ناس كتير جايين

خلى الكلام يحلا

شد النفس جامد

لجل الحشيش خامد

خلى المزاج يعلا

وهات طبق مزه

وروق لنا الغرزه

وافتح لنا التسجيل

وسمعنا صوت سوما

لا الجوزه مكتومه

اغنيه بصوت جميل

ونغنى وياها

اغنيه ماحلاها

جوزه وقرش حشيش

والماشه وياهم

جمعوا سوا حجرين

وسهرنا شربناهم

وكان منايا

يكون معايا

مزه واتنين

اسحب وشعلل ف حشيشك

طلع نفس من نخاشيشك

تلقى الدماغ تعلا وتعلا

لحد ما تتوه عن بيتك

قصيدة جمعت كل سور القرآن

في كلّ فاتحة للقول معتبرة ** حق الثناء على المبعوث بالبقرَه
في آل عمران قِدماً شاع مبعثه ** رجالهم والنساء استوضحوا خبَرَه
قد مدّ للناس من نعماه مائدة ** عمّت فليست على الأنعام مقتصرَه
أعراف نعماه ما حل الرجاء بها ** إلا وأنفال ذاك الجود مبتدرَه
به توسل إذ نادى بتوبته ** في البحر يونس والظلماء معتكرَه
هود ويوسف كم خوفٍ به أمِنا ** ولن يروّع صوت الرعد من ذكَرَه
مضمون دعوة إبراهيم كان وفي ** بيت الإله وفي الحجر التمس أثرَهْ
ذو أمّة كدَوِيّ النحل ذكرهم ** في كل قطر فسبحان الذي فطرَهْ
بكهف رحماه قد لاذا الورى وبه ** بشرى بن مريم في الإنجيل مشتهِرَهْ
سمّاه طه وحضّ الأنبياء على ** حجّ المكان الذي من أجله عمرَهْ
قد أفلح الناس بالنور الذي شهدوا ** من نور فرقانه لمّا جلا غرَرَهْ
أكابر الشعراء اللّسْنِ قد عجزوا ** كالنمل إذ سمعت آذانهم سورَهْ
وحسبه قصص للعنكبوت أتى ** إذ حاك نسْجا بباب الغار قد سترَهْ
في الروم قد شاع قدما أمره وبه ** لقمان وفى للدرّ الذي نثرَهْ
كم سجدةً في طُلى الأحزاب قد سجدت ** سيوفه فأراهم ربّه عِبرَهْ
سباهم فاطر الشبع العلا كرما ** لمّا بياسين بين الرسل قد شهرَهْ
في الحرب قد صفت الأملاك تنصره ** فصاد جمع الأعادي هازما زُمَرََهْ
لغافر الذنب في تفصيله سور ** قد فصّلت لمعان غير منحصرَهْ
شوراهُ أن تهجر الدنيا فزُخرفُها ** مثل الدخان فيُغشي عين من نظرَهْ
عزّت شريعته البيضاء حين أتى ** أحقافَ بدرٍ وجند الله قد حضرَهْ
محمد جاءنا بالفتحُ متّصِلا ** وأصبحت حُجرات الدين منتصرهْ
بقاف والذاريات اللهُ أقسم في ** أنّ الذي قاله حقٌّ كما ذكرهْ
في الطور أبصر موسى نجم سؤدده ** والأفق قد شقّ إجلالا له قمرهْ
أسرى فنال من الرحمن واقعة ** في القرب ثبّت فيه ربه بصرهْ
أراهُ أشياء لا يقوى الحديد لها ** وفي مجادلة الكفار قد نصرهْ
في الحشر يوم امتحان الخلق يُقبل في ** صفٍّ من الرسل كلٌّ تابعٌ أثرهْ
كفٌّ يسبّح لله الطعام بها ** فاقبلْ إذا جاءك الحق الذي نشرهْ
قد أبصرت عنده الدنيا تغابنها ** نالت طلاقا ولم يعرف لها نظرهْ
تحريمه الحبّ للدنيا ورغبته ** عن زهرة الملك حقا عندما خبرهْ
في نونَ قد حقت الأمداح فيه بما ** أثنى به الله إذ أبدى لنا سِيرَهْ
بجاهه" سأل" نوح في سفينته ** حسن النجاة وموج البحر قد غمرَهْ
وقالت الجن جاء الحق فاتبِعوا ** مزمّلا تابعا للحق لن يذرَهْ
مدثرا شافعا يوم القيامة هل ** أتى نبيٌّ له هذا العلا ذخرَهْ
في المرسلات من الكتب انجلى نبأ ** عن بعثه سائر الأحبار قد سطرَهْ
ألطافه النازعات الضيم حسبك في ** يوم به عبس العاصي لمن ذعرَهْ
إذ كورت الشمس ذاك اليوم وانفطرت ** سماؤه ودّعت ويلٌ به الفجرَهْ
وللسماء انشقاق والبروج خلت ** من طارق الشهب والأفلاك منتثرَهْ
فسبح اسم الذي في الخلق شفّعه ** وهل أتاك حديث الحوض إذ نهّرَهْ
كالفجر في البلد المحروس عزته ** والشمس من نوره الوضاح مختصرَهْ
والليل مثل الضحى إذ لاح فيه ألمْ ** نشرح لك القول من أخباره العطرَهْ
ولو دعا التين والزيتون لابتدروا ** إليه في الخير فاقرأ تستبن خبرَهْ
في ليلة القدر كم قد حاز من شرف ** في الفخر لم يكن الانسان قد قدرَهْ
كم زلزلت بالجياد العاديات له ** أرض بقارعة التخويف منتشرَهْ
له تكاثر آيات قد اشتهرت ** في كل عصر فويل للذي كفرَهْ
ألم تر الشمس تصديقا له حبست ** على قريش وجاء الدّوح إذ أمرَهْ
أرأيت أن إله العرش كرمه ** بكوثر مرسل في حوضه نهرَهْ
والكافرون إذا جاء الورى طردوا ** عن حوضه فلقد تبّت يد الكفرَهْ
إخلاص أمداحه شغلي فكم فلِق ** للصبح أسمعت فيه الناس مفتخرَهْ

الاستشهاد

ودّع الصّحْب والأهْـل بالإيمـان

مولعـا قلْبُـه بهــوى الأوْطــــان

حــاملا روحــه على كفّــه

مُسْتبْشرا طالبا جنّــة العدْنــان

آمــلا ربّـــه إحْـــدى الحُسْنييْن

شهادة أوْ نصْرا كلاهما فوْزان

هجر المتاع ولم يكُنْ في باله

مـالا وجـاها فهُما إلى زولان

بلْ كان يرْجو رحْمة من ربّه

وصحْبا طيّبا في الحياة الثّان

سـقط الشّـهيدُ مخضّبا بدمــائه

فسـمتْ روحُــه وفــاز بالرّضْوان

فسـطّر درْســا في الحـياة لأُمّــــة

عاشتْ القهْر وعانت من الطُّغْيـان

وأشْـعل في النُّفوس شرارة ثوْرة

أنارتْ الدّرْب وهدّت قُوّة العُدْوان

فانْتفض الشّعْبُ انْتفاضة مارد

رافضــا للذُّلّ كثوْرة البُرْكــان

مالـــــه الريــــس

أنا مبخافشى وحفضل أقول

كلمـة حــق عليها مسئـول

إن الريس راجــل طيــب

وبشعبه دايما مشغـــــول

مشغول انه يلم فلوسنا

بره سويسرا يحوشهالنا

وف حسابات سريه يشيلها

نفسه يأمن مستقبلنا

شفتوا ازاى بقى قلبه رحيم

عنده ايمان وضميره سليم

بيجوعكوا لجل تخسوا

آه ياشعب يا محتاج لرجيم

من جهلكوا بتقولوا بطاله

وان الاحوال مش شغّاله

دا الراجل نفسه يريحكم

هى الراحه تبقى عواله؟

أما حكاية المنتجعات

ليه تسموها المعتقلات؟

ليه الظن

وسوء النيّه

نفسه يفسحكوا يا بهوات

أما الكرسى واللى اتقال

دا كلام مش محتاج لسؤال

الغلطه دى

غلطتنا يا عالم

إن مجبناش كرسى تيفال

والله انتم ظالمين الراجل

ضيّع عمره ومين يستاهل

حتى الاكل بياكله بدالنا

طالع واكل نازل واكل

بعد دا كلّه........ماله الريس؟؟؟؟؟

السيــد عفريــت

أنا مصباح جاى أنوركم

أنا عفريت جاى أخوفكم

ومبادئى هى الحرية

وعندى تمثال الحرية

اللى أنا أصلاً خدته منكم

يعنى دليل على خيّابتكم
علشان كده جاى أنوركم

علشان كده جاى أخوفكم

العفاريت أشكال والوان

وأنا ملك العفاريت والجان

والمصابيح كلها بتنور

وانا نورى دايماً بيعور

أنا راعى كل الأوطان

أنا راعى الإنسان والحيوان

أنا وحش لكل الأزمان

وأنا اللى طول عمرى بأكِلكُم

علشان كده جاى أنوركم

علشان كده جاى أخوفكم

وسياستى دايما حتكون

إنى أغزو كل الكون

ومهما يحصل ومهما يكون

أنا المارد المتمكن

اللى جوا عقولكوا حيسكن

واللى جوا بلادكوا حيركن

واللى حيكتملكوا أنفاسكم

واللى حيرسم مستقبلكم

علشان كده جاى أنوركم

علشان كده جاى أخوفكم

أنا صاحب أكبر نظرية

إقتصادية وإجتماعية

فى تاريخ كل البشرية

عن بناء الرأسمالية

وإنهيار الإشتراكية

وعن ظهور أحقاد طبقية

تبنى سدود ياما ما بينكم

وتولع نار جوا صدوركم

علشان كده جاى أنوركم

علشان كده جاى أخوفكم

إصحوا بقى يا إخوانا وفوقوا

دا السيد عفريت مصباح

جايب معاه المُر ندوقه

فى الموز واللوز والتفاح

إصحوا بقى يا إخوانا وفوقوا

قبل ما ياكولكوا التمساح

إصحوا وخلوا العفريت

يدخل تانى جوا القُمقُم

والمصباح نوره يضّلم

تطلع شمس تنور بيتكم

وتبدد جواكم خوفكم.

كفايــة خنقتنــا

اللي يخون ناس مأتمناه
ويهد اللي ناصر بناه
ويوطي شعب بايده علاه
ويبيع وطن ف حضنه اواه
هنقوله كلنا
كفايه..خنقتنا

واللي فاكرنا عبيد ومال
ويورثنا للمحروس جمال
بالكم ده لو يوم انتطال
الشعب هيعلقوا ف حبال
وهنقوله كلنا
كفايه..خنقتنا

واللي سرق مننا ضحكتنا
وحطم عزيمتنا وقوتنا
وضيع عزنا وهيبتنا
وخلى كل الناس كرهتنا
هنقوله كلنا
كفايه..خنقتنا

واللي اغتصب بجبروته مصرنا
وبالرخيص بيبيع ارضنا
وسايب كلابه ينهشوا لحمنا
ومش خايف حساب ربنا
هنقوله كلنا
كفايه..خنقتنا

واللي فاكر انها دايماله
والكرسي مخلوق علشانه
ومخطرشي ابدا على باله
انه لو بيدوم مكنش جاله
هنقوله كلنا
كفايه..خنقتنا

واللي بيشتغلوه منافقينه
ومصورين له اننا حبينه
ومنعرفش نعيش من غيره
هنقوله كلنا
كفايه..خنقتنا